मेडिकल कलेजले सिटिस्क्यान र एमआरआई अनिवार्य राख्नुपर्ने
मेडिकल कलेजले सिटिस्क्यान, एमआरआई र रेडियो थेरापी उपकरण अनिवार्य रुपमा राख्नुपर्ने भएको छ । स्वास्थ्य मन्त्रालयले तयार गरेको ‘रेडियो चिकित्सा विकिरण नीति २०७०’ अनुसार अनिवार्य व्यवस्था गरीएको हो ।
सो नीति अनुसार सरकारी स्वास्थ्य संस्था सुबिधा सम्पन्न हुने भएका छन् । स्वास्थ्य मन्त्रालयले हरेक उपस्वास्थ्य चौकीमा एक्सरे, स्वास्थ्य चौकी तथा प्राथमिक स्वास्थ्य केन्द्रहरुमा भिडियो एक्सरे र प्रत्येक क्षेत्रिय अस्पतालमा सिटिस्क्यान, एमआरआई, न्युक्लियर मेडिसिन र रेडियो थेरापी उपकरण पु¥याउने योजना बनाएको छ ।
मन्त्रालयका उपसचिव कुशुमाकर ढकालले सो प्रस्ताव मन्त्रिपरिषद्मा पेशहुन लागेको बताए । ढकालले विकीरण नीतिले स्वास्थ्य संस्थाका प्राविधिक पक्ष र जनशक्तिलाई पनि व्यवस्थित गर्ने लक्ष्य लिएको बताए । प्रस्तावित नीतिमा रेडियोलोजी सेवा सञ्चालन गर्ने संस्थाहरुमा अनिवार्य डिजिटल उपकरणहरु राख्नुपर्ने समेत उल्लेख छ ।
चिकित्सा महाशाखाका अधिकृत विष्णृ पौडेलले विकिरण नीति कार्यान्वनयमा आएपछि रेडियोलोजी सेवा थप गुणस्तरीय र व्यवस्थित हुने बताए । सो नीति एक्सरे , अल्ट्रासाउन्ड , सिटिस्क्यान तथा एमआरआई जस्ता उपकरणलाई व्यवस्थित तथा आधुनिकीकरण गर्नका लागि महत्वपूर्ण हुने पौडेलको भनाई छ ।
Source:http://ehealthnewspaper.com
No comments:
Post a Comment